King Sir：收租回報率，舊樓勝新樓！

King Sir（葉景強）

全港首位教授房地產投資課程講師，透過所設計的物業投資系統，絕大部份學員都能成功上車及買樓收租。著有《置業王道——上車換樓投資全攻略》。

投資初哥想買樓收租，究竟買新樓好還是舊樓更著數？買舊樓起家的King Sir（@ 葉景強 King Sir – 置業王道）認為，新樓舊樓各有優點，視乎投資者的需要。但一般而言，一手盤的管理費較舊樓貴，若扣除相關開支後，每年租金回報率有機會不足3厘，即代表每月租金收入很大機會未能支持按揭供款，業主須補貼差價，投資者尤其注意。

1. 新盤入伙期，租金升勢易受阻

剛入伙的物業樓齡新、設施佳、少維修，通常都獲租客垂青。發展商交樓予業主時，多數配備簡單傢俱，例如廚櫃、煮食爐及浴缸等等，除非業主對室內裝修有一定追求，需要全屋再裝修，否則完成所有收樓程序後，即可在市場放租，過程簡單方便。

但投資者要留意，除了上面提到的管理費等開支昂貴外，新盤入伙期間，市場通常會湧現大量租盤，租客選擇多，租金自然受壓。若業主希望以較理想的租金出租單位，或者要花點心思，例如簡單添置數件傢俱，以包傢電的方式出租，或可提高單位租值。

2. 舊區尋舊樓，瞄準單身租客

舊樓設施質素或許不及新樓，但勝在呎價低，有投資價值。然而，超級荀盤不易搵，買家要多花時間做功課，才能成功尋寶！事實上，市區仍有250萬至300萬元的迷你單位，多集中於紅磡、觀塘、長沙灣、深水埗、土瓜灣等舊區，實用面積大約200餘平方呎，採用開放式或一房設計。雖然這些單位面積有限，惟物業位處九龍核心地帶，區內交通十分便利，對單身租客仍有一定吸引力。

當然舊樓設施舊，維修問題自然多，但由於舊樓提供的設施比較少，管理費開支亦相應較低。就市區一個實用面積約200多呎的單位而言，每年平均租金回報約3.5-4厘，較不少新樓更為理想。

延伸閱讀：置業王道——上車換樓投資全攻略   King Sir 著

電子書試讀：https://goo.gl/jAH6Al