Home / 富足理財 / 曾智華:強積金制度,明益「國際大鱷」!

曾智華:強積金制度,明益「國際大鱷」!

曾智華

資深傳媒人、香港最受歡迎電台節目主持及監製(1987至2014)、前香港電台節目發展總監。2014年退休、重獲自由,立即開始人生精彩下半場。

香港人近年郁下都走上街示威,抗議主題乜都有,政治固然多,民生也不少,價值觀爭取的亦愈來愈頻密,正正反映香港仍享有內地中國人未能享有的自由,大家必須堅決維護。不過「碌Sir」曾智華就認為,最應該全港百萬計打工仔走上街抗議的主題,就是──「打倒強積金制度!還我退休投資自主權!」

強積金的出現,不能說是壞事。事實上,單靠打工仔自由地自己顧自己,非常危險。因為不少人對退休部署,毫無計劃可言,甚至儲蓄,亦毫無紀律性。如此,晚年生活誰來埋單?當然要全港守紀律、有部署者替佢地分擔,何其不公平?所以,強逼打工仔儲蓄,甚或在保本安全情況下,替佢地投資,實在是有需要。

但香港的強積金制度非常古靈精怪,更不尋常地明益跨國大鱷基金集團,令他們可以明搶豐厚佣金,打工仔根本綁住任由抽水。更離譜,種種基金設計中,無一種可以乾淨俐落買盈富基金(02800),為乜呢?似乎到今天,仍未有一個政府官員夠膽又或有說服力企出來解釋-──點解無畀打工仔用最安全、最少被抽佣金方式去供強積金?

結果,打工仔只可從各種巧立名目類別中選擇強積金,經常蝕完價再被抽重重佣金。作為資深投資者,眼冤又憤怒,實在無法理解政府其實搞乜鬼,硬要堅持這個「明益國際基金大鱷」設計,有不可告人的背後目的嗎?見打工仔被綁上戰車陪葬,強積金2015至16年度,每人平均蝕1.7萬元。打工仔損手爛腳,基金大鱷就賺到盤滿砵滿,實在有違天理!

延伸閱讀:《快樂退休》

電子書試讀:https://goo.gl/bzua0L

Share Button