1%Anthony：平台特色單位買唔買得過？

Anthony Sir你好，最近有代理介紹我買一個平台特色單位，但個個朋友都話唔好，又話多垃圾，又話有空中飛人，但係我見你成日都有買呢類特色單位投資，你唔驚咩？點解嘅？

1% Anthony

1%投資課程總監，2009首創地產投資課程，與同學們大舉出擊，住宅、商鋪、工廈、大陸市場，以穩健投資策略，協助無數年青人成功上車，無數小業主財務自由。

回覆讀者來信

問：怕唔怕上面好多垃圾掉落嚟？

答：很奇怪的現象，根據過往經驗，平台裝修越靚，垃圾越少！

首先，垃圾是一定有的啦！總會有人沒有公德心的，但並不是想像中那麼多。兒時確實見過有人隨手掉垃圾出窗，但經過長年累月的公民教育，大家都知道高空擲物是刑事罪行，情況已經大大改善。當然亦要視乎你的鄰居質素，例如一些舊區、舊樓、人口密度高，情況可能會差些少，要有心理準備，每星期都要打掃一下。同時，如果發現突然垃圾多了，可能是因為大新的鄰居搬入，建議盡快向管理處或物業管理公司投訴，最好有相片或影片做證據，正常情況下，管理處很快就會出通告，張貼在當眼地方，如大堂、電梯等，有一定的阻嚇作用，情況會即時改善。至於為何裝修越靚，垃圾會越少呢？筆者沒有考究，可能因為如果似垃圾崗，就會吸引其他人掉垃圾，如果鬼火咁靚，即是有人住有人用，唔好意思掉垃圾吧！

問：怕唔怕有人跳樓，咁啱跳落嚟變咗凶宅？

答：嚇鬼咩？當然這個風險是有的，但機會有多高呢？事實上香港凶宅數目並不多，上網搜尋大概只有一萬個紀綠，扣除公屋居屋，只有幾千個，相比全港百多萬個私人住宅單位，幾百個單位先有一個凶宅，仲要咁啱跳樓，咁啱跳中平台，可能萬中無一！當然，曾經發生過類似的悲劇，近年都有，但機會率實在不高。再加上，你的平台有多大？1000呎嗎？如果只有2、300呎，要有人跳，又要跳得中，其實也不容易，中咗只能慨歎唔好彩，但亦毋須杞人憂天。

問：怕唔怕保安問題？好易爬入嚟喎！

答：要留意的，但不是想像中那麼不設防。這裡只是平台單位，不是地下，下面還有地舖，有時可能是一層，有時可能是兩、三層，有一高高度，要上到來平台，始終都要經過一番的攀爬，如果相比村屋地下單位，相對比較安全。但由於是低層而且有平台，如果相比同幢物業其他分層單位，確實比較容易可以去到，因此平時出入，鎖好門窗是必要的，擔心的話甚至可以安裝閉路電視。同時，由於平台單位很多時候會跟旁邊的單位相鄰，隔離左右的關係會較相熟，其中有個平台單位，一直以來都是親人自用，平時打邊爐都會叫埋隔離一齊食，不知幾開心，可以跟鄰舍打好關係，互相照應。

答：問：怕唔怕去水問題？

無論是天台還是平台，很多時候特色單位都有這種情況，必須要有心理準備，要學習處理漏水、去水等問題。平台單位，漏水相對沒那麼嚴重，因為始終是低層，就算打風落雨，旁邊的高樓大廈都會檔去大部份風雨。至於去水問題，平台始終有機會積水，所以在裝修的時候要留意，地台要有一定的斜度，而且去水道要保持清潔，避免雜物瘀塞。筆者試過有個單位，那次遇上黑雨，租客突然來電說平台水浸，裝修師傅到場一看，原來是因為有些膠袋及垃圾，沖到去水位塞住，清走垃圾之後就沒事了，要有這些常識。

既然有上述這些麻煩，為甚麼還要揀平台單位呢？

為甚麼平台單位，會被稱為特色單位，賣貴一截呢？

舊樓的樓價差幅已不算大，新樓連平台特色單位先誇張，即使只是連個1、200呎的不平台，呎價都賣貴3、4成！始終香港生活空間狹小，如果可以在幾百呎的斗室以外，多幾百呎空間，如果再花多點心思佈置，這就是你的後花園，自己享用又好，招呼朋友又好，都是非常罕有難得的，花多點時間精神絕對值得。