Home / 股票投資 / 價值投資 / 龔成:揀股勿只看賬面資產

龔成:揀股勿只看賬面資產

Q:有一個問題,關於中國星係我最近同老豆睇緊呢股票,見到佢資產淨值係3.55,股本9億,而且最近賣出蘭桂芳酒店賺左12億,為甚麼股價還是0.5?點解呢隻股票唔升,因為股數乘股值大約4.5億,咁買唔買得過,而且最近賣出蘭桂芳酒店淨賺左12億。

龔成

於銀行工作多年,過往10年的投資成績,過半數能獲利超過一倍以上,曾在萬多元月薪的狀態下,憑投資累積數百萬財富。著有《大富翁致富藍圖》、《50優質潛力股》及最新作《股票勝經》等。

龔成:

中國星集團(0326)現時市值約$4億、$5億,的確不高。佢資產淨值的確好高,但這是一個會計上的價值,這是一個賬面數字,我地一定要仔細分析有咩資產先得。

固定資產部分約$10億,但這往往只是會計上的數字,而在流動資產中,佢有$20億是存貨,而中國星主要從事製作電影及電視連續劇、提供藝人管理服務、物業及酒店投資等。存貨數字好大,唔一定會以用這價變成現金的。

另外,佢都有負債的,流動負債約有$8億,長期負債約有$10億,我地都會考慮這數字。而最大的問題,係佢的經營情況同財技。

首先,公司生意好唔穩定,有時賺錢有時蝕錢,上年度蝕$3億,如果年年都蝕,公司有幾多資產,都只會不斷消耗。另外,佢近年都有進行供股合股,先5供2,然後再25合1,這類財技玩法,往往會對小股東不利。公司項目賺錢,不一定直線等如小股東有得益。

人氣財經書作者龔成將透過個案分析,定期以解答形式,為 WealtHub睿富讀者展現他的獨門「功成秘笈」。

《股票勝經》為投資新手及一直輸多贏少的老手,將股票投資知識全面重新講解,務求讓讀者掌握唯一正確的投資之道,踏出真正致富的第一步。書作已於各大書局有售,網上訂購>>>https://goo.gl/6tGns5

Google Play電子書及試閱同步上架>>>https://goo.gl/ewVA2H

Share Button