Home / 企管智慧 / 郭釗:759都頂唔順,工廈零食店有無得搞?

郭釗:759都頂唔順,工廈零食店有無得搞?

郭釗

從小就奉信「勤」字不出頭、坐Benz 靠自己個腦。專長是尋找Hea 而有爆發力的生意和投資,賺錢是興趣,目標是享受人生。著有《Hea富學》一書。

很多人的創業心態跟買樓一樣,只求入場門欖低;但香港地貴,一間實體店的開業成本,甚至以後賺多賺少,某程度上租金是關鍵因素。工廈租金無疑比街舖或商場舖低,但別忘記工廈人流一定比街舖少;尤其office hour,分分鐘小貓三四隻拍晒烏蠅,要「隱世」得來多人知,不得不在網上社交媒體做多點宣傳功夫,每月花費幾千至一萬賣吓廣告費是基本。

@Hea富學 郭釗 認為如果與對手賣的東西差不多,唯有鬥平和以本傷人搶客,但結果並非一般小商戶可以承擔,這向來是大財團想襲斷市場的手法。零食是一門毛利偏低的生意,去年有報道指阿信屋做100蚊生意,溢利卻不足2蚊,就算比你叻過阿信屋賺多5至10倍,但要你日日睇舖,兼背負隨時被下一波減價浪潮沖走的心理壓力,這是否划算?見仁見智吧。

小商戶若然沒有幾款獨有又受歡迎的貨品,根本毫無優勢可言,但問題是當大財團發現你旗下某些貨品有利可圖,一定有方法賣埋一份,甚至攞埋獨家代理亦不出奇,所以小店要生存就必須反應快,當發現貨品愈來愈不獨有和利潤收窄,就要尋找另一顆靈丹。有些小店老闆會選擇行多一步,找日本食品商合作推出自家品牌零食,但這會導致成本增加,加上客戶亦未必會視之為正宗日本貨呢。所以,經營工廈零食店,收入可能比打份工好少少,但想hea,就咪使旨意喇!

延伸閱讀:《HEA富學:一天只做2 小時的創富方程式》 郭釗 著

電子書試讀:https://goo.gl/VsSJwg

Share Button