郭釗：港式思維買海外樓「衰硬」

在香港買樓，你會怎做？

郭釗

從小就奉信「勤」字不出頭、坐Benz 靠自己個腦。專長是尋找Hea 而有爆發力的生意和投資，賺錢是興趣，目標是享受人生。著有《Hea富學》系列。

先有心水地段或屋苑，最快當然是聯絡該區地產經紀約睇樓，睇中即場還價等業主回覆，幾次來回終於到價，「含淚」扑槌簽臨約去銀行搞上會付首期禮成。香港樓市資訊非常透明，隔籬單位幾年幾月買入幾多錢，同屋苑同座最近成交又是甚麼價錢，即去中原美聯利嘉閣等地產網站查一查便一目了然，不似七、八十年代經紀話幾多就幾多，業主和買家在不清楚市價的情況下進行交易，賣平了和買貴了的情況十分平常。現在大部分香港人買樓，發掘到平過市價、即所謂的「筍盤」，已經覺得執到寶撲住上車，投資海外物業如果沿用同一思路，你覺得可行嗎？

不用我答你，你都應該知道答案，若只是簡單睇價錢，就不用我寫了。

隔山買牛屬更高級別的投資，因為我們必須以國際投資者的眼光和視野去尋找世界各地的未來樓市爆升位。怎為之「國際」？就是跳出香港人的思維模式。香港樓市特色世上少有，細個讀書都有教香港地小人多，隨著地鐵網絡更加四通八達，屯門元朗天水圍東涌等從前遙不可及的地方，現在30 分鐘車程直達市區。地域間的時間距離被拉近，以前常聽人說：「買唔起九龍咪買屯門元朗囉」，現在已經冇呢支歌仔唱，因為對很多打工仔來說，屯門元朗都好貴，全港樓市無分地域齊齊向上。早上車的人，可喜可賀；未上車的人，誠惶誠恐。

基本上香港沒有不值錢的地方，但外國地大物博，很多國家大小城市的價差相對比較大。好似吉隆坡，位於商業核心的地標雙子塔1,000 米範圍內與1,000 米外已經是兩個世界，一邊是中環，另一邊是深水埗，可能都只是15 分鐘車程，但足已脫離海外投資者的視線範圍，沒有資金入市，自然升得慢或根本不會升。其實除了香港人，世界上沒有人覺得買物業是一定升值的。每個國家或地區的樓市都會受七大因素影響和牽動，深入了解後自然能發掘出值博率較高的市場投身其中，享受物業升值的成果。曾經在香港市場賺過錢或手持物業𥄫實中原指數的朋友，最明白當中飄飄然之感，我認為這算是最慳水慳力的hea 富方法之一。在我的字典裏，發達從來靠眼光、技術，而不是死做爛做。

延伸閱讀《Hea富學──磚嘆世界最強外地樓投資指南》

實體書>>>https://goo.gl/Fj2hqb

Google Play電子書及試閱>>>https://goo.gl/CjWqTG