曾智華：「銀債」是必食平糊，要訓身買！

曾智華

資深傳媒人、香港最受歡迎電台節目主持及監製（1987至2014）、前香港電台節目發展總監。2014年退休、重獲自由，立即開始人生精彩下半場。

第二批銀色債券終於有得申靖，「碌Sir」曾智華早就通知長者老友及親戚，提醒他們要瞓身買！很多人都怕變老，但其實做長者有非常多著數，例如生果金、搭兩蚊車、睇戲平大半（早場）等……尤其現今的長者，多仍精力旺盛，行得走得兼玩得！所以必定要好好把握晉身這福利大軍的「特權」，盡情享用！

有人指政府年年發iBond雖然是雞糊，但「有糊唔食，罪大惡極」！如用這種思維計算，銀債就屬於平糊啦！因為它多了一厘保證息率，比iBond多一倍；而且是百分百由政府派錢（無風險）！勿因細眉細眼就不吼，你不想袋，都可以先賺了它，再捐給慈善機構，福有攸歸呀！

「碌Sir」建議，如果各位「老友記」手頭鬆動，不妨考慮抽10手銀債。因為65歲以上人口，不少都住在護老院、醫院，或患有不同病症（如腦退化症），此組人口一定無法全軍出擊。理論上，銀債必比iBond鬆動，估計申請者至少可中5手！隨著高齡人口急速增加，抽銀債的命中率會一年比一年低，所以今年有條件申請者，就要快快去盡食平糊，因為──平糊唔食，都罪大惡極呀！

延伸閱讀：《快樂退休》

電子書試讀：https://goo.gl/bzua0L