Home / 樓市攻略 / 揀盤全攻略:沙田第一城晉升中價樓!?

揀盤全攻略:沙田第一城晉升中價樓!?

沙田第一城曾被視為上車樂園,今日樓價飛升下,連上車盤都索價逾600萬!跟按保絕緣……係真唔係?今次就來到 #沙田第一城,同大家睇真啲!

胡國威

前電視主播胡國威聯同兩名拍檔,希望以更貼地更直接方式探討各樣樓市議題;由屋外至屋內,甚至從香港到海外,繼續研究交流!

建呎410、實用304,典型沙田第一城兩房上車間隔,望落方方正正,客廳無窗台,是賣點之一。但一定要將梳化放在客廳中間,才可間開客飯廳。厠所近睡房,廚房近門口、擺在同一邊。

睇廚房,布局傾向方正。內櫳五臟俱全。曲尺型廚櫃,櫃面底夠位放洗衣機,也預留了雪櫃位。 傳統眼鏡房布局,走入睡房,兩間房設窗台,但景觀角度比客廳更加遼闊。

曾經百零萬瀉滿一地,昔日被視為上車天堂,今日樓價卻要610萬,雖然參考幾間銀行估值,匯豐、恒生分別只估536萬及581萬,一律都未估得足。

如果業主堅持零讓步,首期起錶價就是四成。即是說無244萬元揸手,都是行人止步。以加息後的2.25厘計,攤分最長三十年供款期,月供也要15962元。要通過加息三厘壓力,月入36553元才可以。 =================================

想知更多揀樓貼士,立即點擊鎖定 WealtHub睿富、胡國威 – 胡•說樓市 Facebook 專頁,並開啟「搶先看」設定。

揀盤全攻略,帶你由藍籌屋苑開始逐個講!Youtube隨時重溫https://goo.gl/LRB6dA

Share Button