Home / 樓市攻略 / 湯文亮:幾時買樓,睇一個指標

湯文亮:幾時買樓,睇一個指標

湯文亮博士

紀惠集團行政總裁,資深地產投資者,縱橫樓市30多年,集團在本港持有物業市值總值逾百億元。著有《細價樓爆煲論》系列。

有年青朋友問我幾時可以買樓?我唔識得答,亦唔似其他人話,買得起幾時都可以買,就算答都要非常小心,因為每一個人的能力都不同,要求也不同,進取或比較保守一些,所得的結果也不一樣。所以,我很少答某一個人幾時應該買樓。幾時買,他們應該比我清楚, 或者, 他們心目中已經有一個答案,我就算答,如果與他們心目中的答案不吻合,他們一定要求我解釋清楚, 沒完沒了的事, 我亦懶得回答。

今次有多少不同,因為我要寫書,亦探討這個問題。幾時買樓可以從成交量睇到,在2015 年,大多數月份的二手樓成交量少於二千。

做物業代理當然辛苦,但如果不是二手細價樓樓價屢創新高,令到二手樓業主心熊,就算不創新高,都要高價才願意出售,成交量就不會如此偏低,這亦是市場向高樓價說「不」的反應。所以,當成交量回升,即是業主肯降價。我估計,當二手樓成交量回復至每月四千宗或以上,就可以考慮買樓,但先決條件就是樓價最少要保持平穩。如果成交量大,而樓價又下跌,表示大量業主願意劈價出售物業,在這情況之下就要多等一會,待成交量增加,樓價上升時才入市,勝算就會大得多。

撈底恐得不償失

大家千祈唔好期望可以在樓價最低時才入市,可以做撈底王。做撈底王其實是損失了無數機會,就算真的撈到底,亦可能得不償失,太唔值得。所以,打算買樓的人首先要心裡有數,是他們自己條數,當樓價下跌到不但可以負擔、甚至游刃有餘的時候,就要準備買樓;買樓之後,亦要有心理凖備接受樓價繼續下跌。如果沒有這種心理質素,就千祈唔好買樓,既然買樓後要自怨自艾,倒不如安慰自己,話樓價長遠必升,咁就會開心得多。做人開心就好,唔需要諗咁多。

 

延伸閱讀:《細價樓爆煲論之危中有機》湯文亮著

jujuj

Share Button